شبكة , ومنتديات ، فى الفن ، ابداع ، للتصميم ، والإبداع


    يامنه(رائعة الابنودى)

    شاطر
    avatar
    نورالهدى
    •-«[ عضو ]»-•

    الدوله : مصر
    الجنس : انثى
    تاريخ الميلاد : 14/01/1984
    مزاجى : رايقه
    عدد المساهمات : 84
    العمر : 35
    0 / 1000 / 100

    تاريخ التسجيل : 23/07/2009

    default يامنه(رائعة الابنودى)

    مُساهمة من طرف نورالهدى في الجمعة يوليو 24, 2009 3:43 am

    يامنه
    والله وشبت يا عبد الرُّحمان ..
    عجّزت يا واد .؟
    مُسْرَعْ؟
    ميتى وكيف؟
    عاد اللي يعجّز في بلاده
    غير اللي يعجز ضيف.!!
    هلكوك النسوان؟
    شفتك مرة في التلفزيون
    ومرة .. وروني صورتك في الجورنان
    قلت : كبر عبد الرحمان.!!
    أمال انا على كده مت بقى لي ميت حول.!!
    والله خايفة يا وليدي القعدة لتطول.
    مات الشيخ محمود
    وماتت فاطنة ابْ قنديل
    واتباع كرم ابْ غبّان
    وانا لسة حية..
    وباين حاحيا كمان وكمان.
    عشت كتير.
    عشت لحد ماشفتك عجّزت يا عبد الرحمان.
    وقالولي قال خَلَّفت
    وانت عجوز خلَّفت يا اخوي؟؟
    وبنات..!!؟
    أمال كنت بتعمل إيه
    طيلة العمر اللي فات؟
    دلوقت مافقت؟
    وجايبهم دِلْوكْ تعمل بيهم إيه؟
    على كلٍّ..
    أهي ريحة من ريحتك ع الأرض
    يونسُّوا بعض.
    ماشي يا عبد الرحمان.
    أهو عشنا وطلنا منك بصة وشمة.
    دلوك بس ما فكرت ف يامنة وقلت: يا عمة؟؟
    حبيبي انت يا عبد الرحمان
    والله حبيبي .. وتتحب.
    على قد ماسارقاك الغربة
    لكن ليك قلب.
    مش زي ولاد الكلب
    اللي نسيونا زمان

    حلوة مرتك وعويْلاتك
    والاّ شبهنا..؟
    سميتهم إيه؟
    قالولي : آية ونور.
    ماعارفشي تجيب لك حتة واد؟
    والاّ أقولك :
    يعني اللي جبناهم..
    نفعونا في الدنيا بإيه؟
    غيرشي الانسان مغرور.!!

    ولسه يامنة حاتعيش وحاتلبس
    لمّا جايب لي قطيفة وكستور؟
    كنت اديتهمني فلوس
    اشتري للركبه دهان.
    آ..با..ي ما مجلّع قوي يا عبد الرحمان.

    طب ده انا ليّا ستّ سنين
    مزروعة في ظهر الباب as7ab

      الوقت/التاريخ الآن هو السبت يناير 19, 2019 3:17 am